Ei ny nettside har blitt lansert av Teknologirådet, Senter for IKT i utdanningen og Datatilsynet sammen med Medietilsynet og Utdanningsdirektoratet. Sida omhandlar digital mobbing og kan brukast i forebyggingsarbeidet med born og unge.

Innføring av Feide har vore gjennomført som eit samarbeidsprosjekt i Nordfjordregionen. Med økonomisk støtte frå Fylkesmannen, Tilskot til fornying i offentleg sektor og IKT for 2008, vart prosjektet gjennomført i løpet av 2008/2009.

Feide står for Felles Elektronisk IDEntitet. Feide er eit nasjonalt tiltak for heilskapleg identitetsforvalting i utdanningssektoren. Sikker identifisering av elevar og lærarar er nødvendig for å gje riktig tilgang til digitale ressursar og tenester. Feide let personar som er knytt til norske utdanningsinstitusjonar identifisere seg via ei felles innloggingsteneste som avgrensar flyten av personopplysningar til det som er nødvendig for å oppnå ønska tilgang.

Presentasjonane Anders Härdevik hadde under samlinga i Loen er no lagde ut. Dei er samla i ei fil som kan lastast ned i pdf-format.

Presentasjonen finn du her.

Frode Søbstad sine presentasjonar ligg her:
Læringsmiljø
Rammeplanen
St.meld. nr. 41

Det siste halvåret har alle barnehagane i Selje kommune teke del i eit utviklingsprosjekt som har har hatt fokus på  m.a. leiarane i barnehagane. Gjennom dette tiltaket har vi innførd resultatleiing som metode for barnehageområdet i kommunen. Arbeidet med kvalitetsheving av innhaldet i barnehagane i kommunen er difor godt i gong (jmf. Kvalitetsmeldinga).

Prosjektet starta med at innleigd kompetanse møtte alle tilsette i barnehagane i mai --og gjennom dette motiverte og sette startskotet for tiltaket. Styrarane og dei pedagogiske leiarane har hatt fleire treff med Marianne Zalik før prosjektet vart avslutta med ei ny felles-samling i midten av november

Prosjektet Nytt på Nytt startar opp med fellessamlingar 8. desember 2009.

Nytt på Nytt er tilbod om oppfølging av nyutdanna og nytilsette lærarar og førskulelærarar. Høgskulen i Sogn og Fjordane har ansvaret for opplegget.

Forfattar: Svein Ole Sataøen, HiSF

Forum for barnehageutvikling i Nordfjord (med det sjølvsnikra namnet FBI-Nordfjord) står ansvarleg for ei omfattande undersøking omkring kvalitet i barnehagane i dei sju kommunane i regionen: Bremanger, Eid, Gloppen, Hornindal, Selje, Stryn og Vågsøy.  Gjennom undersøkinga har ein fått fram kva foreldre, føresette og dei tilsette tykkjer er viktig i barnehagekvardagen, for at kvart enkelt barn skal få oppleve god kvalitet i sin barnehage.

Resultatet av undersøkinga skal i neste omgang bli eit av grunnlaga for arbeidet med revisjon av Kvalitetshandboka - Handbok for barnehagedrift i Nordfjord. I handboka skal ein ha med eit eige kapittel om kvalitet i barnehagen. Både foreldre, føresette og dei som arbeider i barnehagen fekk soleis gjennom denne undersøkinga høve til å vere med å påverke kva barnehagane i regionen skal legge vekt på i tida som kjem.

Den 5. oktober vert det arrangert tre kurs for tilsette i barnehagane. Påmeldingsfrista er no gått ut, og kurspåmeldinga er stengd.

Den 19.05 blei det arrangert ein erfaringskonferanse for prosjektet "Rett utdanningsval i Nordfjord". Ca 55 deltagarar frå heile Nordfjord hadde funne vegen til Bryggja grendahus for å dele erfaringar og oppsummere frå dei tre prosjektåra.